Wenn Ühle üvver Dellbröck fleje -
100 Jahre KG UHU
UHU-Jubiläumslied auf YouTube
>> youtube.com/user/kguhu1924/videos
M+T: Micky und Bubi Brühl
Verlag: Edition Brühl
Nüngzenhundertvierunzwanzich fing dat Spillche ahn
An Fastelovend dach en Dellbröck lang noch keiner drahn
Do hann sich e paar kölsche Junge
Zom fiere in Dellbröck jefunge
Dä Uhu dä wood dann jebore
Un et Hätz ahn die Ühle verlore
Refrain
Wenn Ühle üvver Dellbröck fleje, jo dann wesse mir
Dann jitt et he vum UHU widder irjendwo en Fier
Denn Ühle un die Schnäuzer fiere jetz schon hundert Johr
Dä Fasteleer op Boore Art su wie et immer wor
Sechsunsibbzich wood et en dä kölsche Sääle nett
Do joov et dann en Kölle e besonderes Ballet
Buure Schnäuzer däten se sich nenne
un die dät üvver Naach jeder kenne
Küss du ens noh Dellbröck dann bes de platt
sinn kein Buure un Lück us d'r Stadt
Aachunachzich komen dann die Juhu's op de Welt
Un Fastelovendsfriedachs jeiht et aff em jruusse Zelt
Joot bahl dausend Mädche un Junge
Die jedes Johr jähn widderkumme
Un für die janz kleine Ühle-Fans
Do danze he uns Schnäuzer Pänz
Refrain
Wenn Ühle üvver Dellbröck fleje.........
Wiederholung:
Dä Fasteleer op Boore Art su wie et immer wor
Jo un dat noch en dausend Johr.
