|
22. Dezember 2011
 Leev Üle, leev Fründe d'r Jesellschaff, och wenn et en Kölle nit schneit, so wulle mr doch met dr Familisch e jemötliches un ruhiges Chrissfess fiere.
Bevür ehr jedoch aan d´r Weihnachtsbrode joht, wulle m´r noch ens zuröck bleckem wat all paseet es. D´r Senat wor trotz Sauwedder met etliche Lück om Weihnachtsmaat en Jläbbisch zöm Jlühwing drinke. Donoh jing dat janze Schmölzge op Innladung vum Fritz Roth dä wigge Wäch en sing Räumlichkeite, wo en deftige Bergische Kaffetafel opjebaut wor. Aan dä Stell wulle mer uns noch ens beim Fritz för dä jemütliche Nommedaach bedanke. Die Juhu`s woren bes en de fröhe Morjenstunde em Werk 1 bei d´r legendäre Juhu Weinachtsfeier. Beim Advents Ätze Esse met Käze un Mötze em Werk 2 jov et die leckere Ätzezupp un e schön Rahmenprogramm. Dä schöne Abschluß hät d´r Bubi Brühl mem Stoppe un mem Werner Lichtenberg jemaht. Jetzt gucke mer ens flöck op die nächste Saache die aanstonn. Wer noch Kaate för die Uhu Tribün am Rusemondachszoch, met Musik, Jetränke und Plumsklo bruch, muß sich beim Dirk Lauderbach (Tel: 0221/6804021 oder Mobil: 0176/60833033) melde. Die Kaate koste 48 Eu, för Pänz 35 Eu. Wer em Dienstagszoch mem Uhu durch Dellbröck trecke well, sull schnell d`r Fischer`s Ralleff unger 0171/5474115 anrofe. Op d´r Homepage findet Ihr noch unsre Onlein Shop, falls ihr noch Kaate för uns Sitzunge brucht. Telefonisch jitt et die Kaate unger 0221-6800573. Jetzt wünsche mer üch all en wunderschönes un besinnliches Weihnachtsfess. Ne joode Rötsch in et neue Johr un alles Jode. Mir sinn uns am 02.01.2012 em Werk 2 zöm Ordensovend. Vill Jröß, Üre Vörstand TERMINE:
Sitzungen 2012:
|
|
